Baris mein yehi sab Socha Karte Hain ...

baris mein yehi sab socha karte hain ..

ki sab kuchh tham pad jaye ,
thake thake se hain jo hum , bas sukoon kahin mil jaye ..



bas yuhin kahin mann karta hai
chalte chalte ruk jaun..
bekhabar baris kabhi barse
to us paani mein bhig jaun
bahut thaka thaka sa lag raha hai
un bhagte hue raaho pe kahin baith jaun ..

ki kabhi bhigte waqt darr na ho
bachpan ki tarah wo din firse ho
jab joote hote the haath mein
baris mein nange paun chalte
patton se khelte
kagaz ki nav chalate
chatri pakad kar udne ki kosis karte
matti mein kudd te
kachhi sadak par yun kudna
kyun kho si gai hai wo sab baatein ..

Kahan pe aa gain hai yeh sab haalatein ...

dosti ke liye cell phone ki jarurat hai ...
dil ki baatein batanane ke liye Facebook ki jarurat hai ...
Mummy ko Love u kehne ke liye reason ki jarurat hai ..
to hasne ke liye pagalpan ki jarurat hai ...

motorcycle ki vroom vroom mein chalti apni saasein hai ..
baris mein kya bolun ab , yehi meri saathi hai ...

Kahin chai ke dukan pe ruk kar ,chai pete hue ,baris mein yehi sab socha karte hain ..